Pas një nate në qeli është lënë e lirë Ana Azizaj, studentja e cila shkroi me bojë parrullën “Borchardt turp të të vijë” në banesën ku jeton ambasadori i OSBE-së, Bernd Borchardt.
Mësohet Ana Azizaj është pyetur për disa orë nga policia dhe është lënë e lirë mëngjesin e sotëm.
Kujtojmë se studentja, e cila angazhohet në strukturat e të rinjve të LSI-së, bashkë me të rinj të tjerë shkruajtën dy ditë më parë poshtë banesës së ambasadorit parrullën, si shenjë revolte ndaj deklaratave të tij për dhunën e ushtruar në protestën e opozitës.
Kujtojmë që e gjithë qeveria e cilësoi këtë akt si një kërcënim ndaj ambasadorit të OSBE-së.