Lija e majmunëve mund të ketë evoluar, duke ndryshuar më shumë se sa pritej dhe duke u bërë më ngjitëse, si varianti Omicron i Covid. Kështu pohojnë shkencëtarët britanikë, të cilët argumentojnë se virusi tani duket se ka mësuar të përhapet më lehtë tek njerëzit, veçanërisht tek homoseksualët dhe biseksualët.
Deri tani 17 vende e kanë zbuluar virusin në atë që tani është bërë një epidemi e paprecedentë globale.
Në Portugali, virologët kanë zbuluar se lloji në qarkullim është shumë i ngjashëm me atë që u shfaq në Britaninë e Madhe katër vjet më parë, dhe në lidhje me këtë ka pësuar edhe 50 mutacione. Një numër shumë më i lartë se sa pritej “duke marrë parasysh shkallën e vlerësuar të zëvendësimit për ortopoksviruset” thanë studiuesit të cilët tani hipotezojnë se është një “virus i hipermutuar siç ndodhi me Omicron.
Megjithatë, ky hulumtim ende nuk është verifikuar. Dr Rosamund Lewis, i cili drejton programin e urgjencës të OBSH-së, tha se agjensia globale e shëndetit nuk ka prova që lija e majmunëve të ketë pësuar mutacion. Sekuenca e gjenomit të virusit është duke u zhvilluar dhe kjo do të ndihmojë për të hedhur pak dritë mbi këtë çështje.
Po hetohen shkaqet e infeksionit evropian. Ekspertët nga Instituti Kombëtar i Shëndetit i Portugalisë në Lisbonë thanë se shpërthimi “ka shumë të ngjarë të ketë një origjinë të vetme”, në një ngjarje super të përhapur që po përhapet në shumë vende. Sipas një zyrtari të lartë të OBSH-së, teoria më e pranuar për momentin është se virusi po përhapet në Evropë, për shkak të sjelljes seksuale në dy evente të mbajtura në Belgjikë dhe Spanjë.
Në Belgjikë, tre raste janë lidhur me një festival në Antwerp, i cili u zhvillua midis 5 dhe 8 majit. Ndërsa në Spanjë festa e origjinës së infeksionit ishte eventi i Gran Canaria nga data 5 deri në 15 maj me pjesëmarrjen e 80,000 personave nga Britania e Madhe dhe nga e gjithë Evropa. Përveç kësaj, raste të tjera janë shfaqur në Gadishullin Iberik.
Sipas shkencëtarëve, lija e majmunëve mund të përhapet te kafshët shtëpiake dhe kafshët e egra dhe të bëhet endemike në Evropë. Dr Emilia Skirmuntt, një virologe në Universitetin e Oksfordit, tha se disa sekuenca përmbajnë mutacione, por që, “megjithë shpejtësinë më të lartë se sa pritej të transmetimit” situata “ende nuk është alarmante”.
Lija e majmunit nuk përhapet me shpejtësinë me të cilën përhapet Covid. Për më tepër, nga imazhet frikësuese, simptomat e sëmundjes “janë shumë të lehta dhe ne kemi një vaksinë efektive”, shtoi ajo.
Ndër shkaqet e përhapjes së gjerë të virusit është edhe mungesa e mbulimit me vaksinim pasi vaksina kundër lisë nuk është kryer në popullatën evropiane që nga viti 1971. Megjithëse nuk është krijuar posaçërisht për linë e majmunëve, vaksina kundër lisë, e cila kushton rreth 25 euro për dozë, është deri në 85% efektive, sepse të dy viruset janë shumë të ngjashëm. Mbretëria e Bashkuar aktualisht po e përdor atë nga kontaktet e ngushta në zonat ku ka raste të konfirmuara. Përgatiti: Liberale.al/