Kryetarja e Kuvendit, Lindita Nikolla, e ka cilësuar kryebashkiakun Erion Veliaj model të punës dhe të drejtimit.
Nga Kamza, ku u zhvillua një takim me asamblenë e zgjeruar të PS për zgjedhjen e kreut të ri në këtë zonë, ajo u shpreh se Partia Socialiste ka se me çfarë të krenohet.
“Patjetër që nuk jemi vetëm, se krah nesh është drejtuesi politik i qarkut, Erioni, një model se si punohet, një model se si investohet, një model se si drejtohet, se si shërbehet.
Edhe në këtë cilësi ne kemi se për çfarë flasim dhe krenohemi kur flasim për Partinë Socialiste, por patjetër dhe aftësitë e tjera organizative si drejtues politik i qarkut, do të jenë një krah i fortë, krah Migenës apo Rebekës, që do të jetë nesër drejtuese e partisë Socialiste për Bashkinë Kamëz”, tha Nikolla.
