Gazeta holandeze Telegraf, shkruan se vendimi i gjykatës së Apelit në Hagë, që i ka dhënë lirinë Arben Frrokut, i dënuar me burgim të përjetshëm në Shqipëri për vrasjen e komisar Dritan Lamajt, ka ngjallur një debat të fortë në parlamentin e mbretërisë së vendit të ulët. Deputetë të ndryshëm janë ngritur dhe e kanë quajtur këtë një skandal të madh.
Kujtojmë se Gjykata e Apelit rrëzoi kërkesën e autoriteteve shqiptare për ekstradimin e tij, dhe për vuajtjen e dënimit në Shqipëri, me motivin se ai është në rrezik në vendin tonë, kryesisht për baza politike.
Deputetët janë shprehur se ai ose duhet të ekstradohet, ose të vuajë dënimin në Hollandë dhe nuk mund të bredhë i lirë, sic ankohen ata. Për më shumë, politikanët atje, kanë kërkuar që një autoritet holandez të vizitojë Shqipërinë dhe të shohë nga afër nëse vërtet Arben Frrokut i rrezikohet jeta, nëse vjen në Shqipëri.
/Mapo.al
Etiketa: debate, Frroku, hollande, kunder, lirimi, parlamenti
