Aktualitet

“Lirojnë të arrestuarit”, ILD-Çuçit: Po cënoni pavarësinë e magjistratëve














Bëni LIKE faqen zyrtare në Facebook
               Publikuar në : 14:57 - 28/06/21 |
mapo.al

Pasi ministri i Brendshëm, Bledi Çuçi drejtoi gishtin nga gjyqtarët dhe prokurorët, që sipas tij lirojnë të arrestuarit nga policia, Inspektorati i Lartë i Drejtësisë reagoi ashpër.






ILD-ja tha se në këtë mënyrë po cenohet pavarësia e magjistratëve.


“ILD konstaton me keqardhje se mosrespektimi i pavarësisë së magjistratëve në ushtrimin e detyrës së tyre, por edhe të institucioneve të pavarura të drejtësisë po kthehet në traditë, sa herë që publikisht kërkohet marrja e përgjegjësive. Për transparencë ndaj publikut, prioritet i punës së Zyrës së Inspektorit të Lartë të Drejtësisë është shqyrtimi dhe vlerësimi me seriozitet, i të gjitha pretendimeve të paraqitura nga persona fizikë ose juridikë lidhur me veprimet, mosveprimet ose shkeljet e magjistratit brenda apo jashtë funksionit të tij, në ekuilibër midis parimeve të interesit publik për administrimin e drejtësisë dhe ndarjes së pushteteve. Këto parime duhet t’i respektojë cdo institucion në vend, si standarde dhe vlera të një shoqërie demokratike dhe të garantimit të shtetit të së drejtës. Vendimet e magjistratëve nuk mund të bëhen objekt rishikimi apo diskutimi, nëpërmjet deklaratave publike jashtë sistemit të ankimit gjyqësor”, thuhet në deklaratë.







ILD-ja i kërkoi Çuçit, por jo vetëm atij, të depozitojë ankesë nëse ka pakënaqësi për punën e gjyqtarëve dhe prokurorëve.




“Zyra e Inspektorit të Lartë të Drejtësisë është e hapur për të pranuar nga çdo institucion ankesa në lidhje me sjelljen e magjistratëve. Në rast të konstatimit të sjelljeve të cilat përbëjnë përgjegjësi disiplinore, Inspektori i Lartë i Drejtësisë për sa ka vepruar deri më tani, në rastet kur ka konstatuar sjellje apo akte të cilat përbëjnë shkelje disiplinore ka propozuar marrjen e masave të nevojshme disiplinore”. 



LEXO EDHE: 

Krimi, Çuçi: Ndryshime në Polici, gjyqtarët e prokurorët lirojnë të arrestuarit

1


Etiketa: , , ,

CLOSE
CLOSE
Pas