Përfaqësuesi i PD në Këshillin Politik, Oerd Bylykbashi, në një konferencë për mediat nga selia blu, tha se ndryshimet e njëanshme të Edi Ramës, me rregullat e zgjedhjeve, kanë një qëllim të vetëm, të reduktojë humbjen e tij më 25 prill.
Përfaqësuesi i PD në Këshillin Politik, theksoi se ndryshimet e njëanshme kushtetuese jo vetëm nuk sigurojnë lista të hapura, por u heqin të drejtën partive politike të garojnë të lira në një koalicion.
‘Megjithatë, do ta mundë Edi Ramën në të 12 qarqet e Shqipërisë’- tha Bylykbashi.
Më tej, Bylykbashi, tha se asnjë tentativë e kryeministrit nuk do ta ndalë fundit politik të kësaj mazhorance. Bylykbashi tha i bindur se këto zgjedhje do t’i fitojë opozita.
Sot, Kryeministri Edi Rama deklaroi se Kodi Zgjedhor do të votohet nesër në Parlament. Ai tha se Partia Socialiste ka qenë “shërbëtore” e opozitës parlamentare dhe asaj të bashkuar në procesin e kodit të ri elektoral.
Edhe njëherë, Bylykbashi theksoi se nenet e veçanta të cilat do të miratohen nesër, bien ndesh me rekomandimet e OSBE-ODIHR-it’.
LEXO EDHE:
Kodi Zgjedhor, Rama: Nesër votohet në Parlament, PS-ja ka qenë shërbëtore e përulur
