Kronika

LIVE nga Elbasani – FNSH thirrje autorit për t’u vetëdorëzuar, vazhdojnë të shtënat








Bëni LIKE faqen zyrtare në Facebook
               Publikuar në : 14:04 - 24/09/20 |
mapo.al

Vijojnë të shtënat drejt Forcave Shqiponja dhe FNSH, në lagjen “5 maji” të qytetit të Elbasanit, nga një person i armatosur me armë zjarri kallashnikov.


FNSH i ka bërë thirrje autorit për t’u vetëdorëzuar, por ka hasur në rezistencën e tij. Burime për MAPO bëjnë të ditur se drejt Elbasanit janë nisur Forcat RENEA.


Policia ka dhënë detajet e para për ngjarjen, teksa është identifikuar edhe autori i të shtënave. Ai është Lefter Zhidru, 71 vjeç.


I moshuari ka debatuar ashpër me bashkëshorten e tij, F.Zh e cila ka njoftuar policinë. Pas mbërritjes së patrullës te banesa e tij, 71-vjeçari ka marrë armën e zjarrit dhe ka hapur zjarr në drejt Forcave Shqiponja.


Në vendin e ngjarjes ka mbërritur edhe FNSH, të cilët i bënë thirrje autorit për t’u vetëdorëzuar. Nga të shtënat kanë mbetur të plagosur dy persona, Ledio Saraçi, 22 vjeç dhe Adenour Dilaver Konaxhiu, 21 vjeç, të cilët ndodhen jashtë rrezikut për jetën.


Lefter Zhidru vijon të qëllojë me armë duke bërë rezistencë edhe pas thirrjeve të pandërprera të Policisë.

Njoftimi i Policisë
Më datë 24.09.2020, rreth orës 13:20, në lagjen “11 Nëntori”, Elbasan shtetasja F. Zh., ka patur një konflikt me bashkëshortin e saj, shtetasin Lefter Zhidru, 71 vjeç, i cili në momentin që ka shkuar Policia është futur në banesë dhe ka qëlluar dhe vijon të qëllojë me armë zjarri kallash në drejtim të forcave të Policisë.

Forcat Shqiponja dhe Patrullat e Përgjithshme janë pozicionuar dhe kanë vendosur perimetrin e sigurisë dhe vijojnë t’i bëjnë thirrje këtij shtetasi të dorëzohet, i cili vijon të bëjë rezistencë duke qëlluar vazhdimisht në drejtim të Policisë.

Si pasojë e të shtënave janë plagosur jashtë rrezikut për jetën dy shtetas, L. S., 22 vjeç dhe A. K., 21 vjeç, kalimtarë të rastit, në momentin që ky shtetas ka filluar të qëllonte me armë në drejtim të Policisë.

Në ndihmë të Policisë lokale janë nisur menjëherë forcat e FNSH dhe të RENEA-s, për të bërë neutralizimin dhe kapjen e shtetasit që vijon të qëllojë me armë në drejtim të Policisë.

Shtetasi Lefter Zhidru vijon të qëllojë me armë duke bërë rezistencë edhe pas thirrjeve të pandërprera të Policisë.

Banesa nga e cila po qëllon ky shtetas është e rrethuar dhe Policia ka vendosur një perimetër të gjerë rrethimi, për të parandaluar dëmtimin e kalimtarëve të tjerë të rastit.

LEXO EDHE: 

LIVE nga Elbasani – FNSH thirrje autorit për t’u vetëdorëzuar, vazhdojnë të shtënat


Etiketa: , , , , ,

Pas