Kryeministri Edi Rama ka reaguar dy ditë pasi kreu i PD-së Lulzim Basha, akuzoi qeverinë se ka fshehur shifrat e vdekjeve nga koronavirusi. Rama flet për akuza politike dhe se u cënua dinjiteti i popullit me këto akuza.
“Dalja ime sot u provokua nga një pakicë e zhurmshme që shan dhe gjuan çdo ditë me gur. Ne nuk duhet të ndahemi politikisht edhe për numrin e të vdekurve, apo të publikohen foto nga morgu i spitalit.
Në kulmin e pandemisë, kur vala e dytë po godet gjithë botë, të bësh politikë është e padrejtë. Të thuash që qeveria po fsheh numrin e të vdekurve, do të thotë se kjo është brutalisht njerëzore. Si mundet të cënohet dinjeti njerëzor, apo të slumohen mjekët ë kanë harruar fëmijët dhe prindërit duke luftuar pandeminë”, – thotë Rama.
Kryeministri i quajti akuza të pabaza, ato që bëri kreu i PD-së Lulzim Basha.
“Këto sulme, nuk janë karakteri i këtij populli, as karakteri i politikës. Kjo është ekstreme nga ata që e kanë penguar Shqipërinë të marrë frymë lirisht. Nuk ka më turp se kaq! Nuk është më e imagjinueshme, deri ku mund të shkojë përparësia ndaj këtij vendi. Çfarë janë ata që humbasin jetën në spitalet Covid, vota?!“, – thekson Rama.
Sipas Ramës asnjë qeveri nuk mund të fshehë numrin e vdekjeve në spitale.
“Nuk ka asnjë mundësi që qeveria të fshehë numrin e vdekjeve në spital. Nuk ka mjekë që të fshehë viktimat. Të përgjigjet prokuroria edhe për të vdekurit në spital, kjo e tejkalon nivelin e neverisë ndaj politikës. Këto akuza duhet të mbahen shënim nga një gjykatë. Nga gjykatësi suprem, që është populli shqiptar, si një akt që nxit urrejtje ndaj mjekëve tanë, si një akt turpërues ndaj nesh si qenie njerëzore. Ne do ta fitojmë këtë luftë“, – u shpreh Rama.
Kryeministri i kërkoi qytetarëve që të shmangin kontaktet dhe të kufizojnë lëvizjen, për të shmangur një tjetër mbyllje të vendit.
Etiketa: Akuzat, Rama, Video
