Ambasada amerikane në Tiranë paralajmëron qytetarët të mos mashtrohen nga faqet e rreme të Lotarisë Amerikane në internet, por t’i drejtohen vetëm asaj zyrtare.
“DVProgram.state.gov është e Vetmja faqe zyrtare për të aplikuar në Lotarinë Amerikane dhe për të kontrolluar statusin tuaj”, deklaron ambasada.
“Kini kujdes nga faqe të rreme dhe mashtrime të lidhura me programin e Lotarisë Amerikane”, thekson ajo.
Risjellim në vëmendje se aplikimet për Lotarinë Amerikane u hapën më 7 tetor, dhe mbyllen më 10 nëntor 2020, ora 18:00.
