Motrat Vjollca janë mbledhur mbrëmjen e djeshme në një tavolinë festive për të mirëpritur ditëlindjen e nënës së tyre, Maria. Kjo e fundit ka postuar këtë të mërkurë disa video dhe pamje nga festa, si dhe ka zbuluar për të gjithë dhuratën luksoze që vajzat kishin menduar t’i bënin për rastin e ditës së lindjes.
Në një nga videot e shpërndara shihet se vajzat i kanë blerë një makinë të zezë tip “BMW” seria 3 “Grand Turisma”, që kushton 30 mijë euro. Ndërkohë që në një tjetër, të gjitha femrat Vjollca shihen brenda mjetit të shtrenjtë teksa Maria pikaset në vendin e shoferit.
“Mrekullia, dashuria, jeta ime ju që më uroni me kaq mirësi, dashuri e vlerësim në rrugën time të jetës. Përmbledhur në një tortë gjigante në vrapin e rrugëtimit tim dhe me emocion të papërballueshëm! Tani më thoni ndalo vrapin, relaksohu dhe shijo makinën, dhuratën me zemër plot! Faleminderit jeta ime”, ka shkruar krah videove Maria, ku shihet e emocionuar e njëkohësisht e përlotur.