Moderatorja e njohur, Luana Vjollca ka treguar për herë të parë traumën e saj, sesi një fans tentoi te abuzonte me të.
Në projektin më të ri që ka nisur, “Thuaje”, moderatorja tha se gjatë 15 viteve ka pasur 5 raste të përndjekjes nga fansat, por vetëm njëri ka qenë më i tmerrshmi dhe i ka shkaktuar traumë.
Vjollca rrëfen më tej, se fatmirësisht i shpëtoi abuzimit, por prej asaj kohe nuk dilte pa truproje në publik.
“Nuk do t’i cilësoj fansa këta njerëz që më kanë krijuar një lloj traume, që është mos ta kem jetën time të lirë, të dal rrugëve të Tiranës, Shqipërisë e Kosovës e shoqëruar nga një person që më mbron, sepse jam e frikësuar. Jam e frikësuar sepse kam pasur pesë raste në 15 vite, njëri prej të cilëve nuk është bërë mediatikisht i njohur, se askush nuk e ka parë, po mua më ka lënë një shenjë, një plagë.
Ishte përtej asaj që një fans do të bënte. Unë falënderoj Zotin çdo ditë që atë mbrëmje nuk kam pësuar asgjë. Por ishte mjaftueshëm që mua të më krijohet kjo traumë, që sot kam nga njerëz që më përndjekin.
Fatmirësisht nuk ndodhi asgjë, por është tentuar që të më…Kam arritur të shpëtoj paq, të iki, të vrapoj, por kur imagjinoj se ka vajza dhe gra që e përjetojnë këtë…. Ajo që më bën të vuaj është sepse unë kalova në një traumë pa e përjetuar ndërkohë që ka njerëz që e përjetojnë”, tha Luana.
