Mbretëria e Bashkuar dhe 37 vende të tjera kanë referuar zyrtarisht raportet për mizoritë e kryera në Ukrainë në Gjykatën Ndërkombëtare Penale.
Sipas rregullave të GJNP-së, një referim i tillë nga shtetet anëtare do të thotë që prokurori nuk duhet të marrë miratimin e gjyqtarëve të GJNP-së përpara se të hapë një hetim, duke përshpejtuar procesin.
Me 37 vende që i bashkohen Mbretërisë së Bashkuar, është referimi më i madh në historinë e Gjykatës.
“Makina ushtarake e Putinit po shënjestron civilët pa dallim dhe po shkatërron qytetet anembanë Ukrainës”, tha në deklaratë sekretarja e jashtme e Britanisë Liz Truss.
“Një hetim nga Gjykata Ndërkombëtare Penale për aktet barbare të Rusisë është urgjentisht i nevojshëm dhe është e drejtë që përgjegjësit të dalin para drejtësisë. Mbretëria e Bashkuar do të punojë ngushtë me aleatët për të siguruar që drejtësia të vihet në vend”.
