fbpx

Aktualitet

Luftonte me grupin “Al-Nusra”, vritet shqiptari në Siri





               Publikuar në : 17:25 - 12/07/19 |
mapo.al

Në Kosovë autoritetet thanë se një shqiptar nga Kosova është vrarë në Siri. Ministri i Drejtësisë, Abelard Tahiri, u tha medieve shkurt se institucionet kanë marrë një informacion se një qytetar i Kosovës “që dyshohet se ka qenë pjesë e grupit “Al-Nusra“, Rron Emini, ka vdekur”, por nuk dihen më shumë hollësi.


Mediat vendase shkruajnë se ai kishte shkuar në Siri tre vjet më parë. Që nga fillimi i luftës në atë zonë, afro 400 qytetarë të Kosovës i janë bashkuar konfliktit dhe mbi 70 syresh kanë humbur jetën.



Në fund të muajit të kaluar, autoritetet kthyen prej andej 110 veta në mesin e të cilëve 4 luftëtarë, 32 gra dhe 74 fëmijë, përfshirë 9 fëmijë që kanë humbur prindërit në luftë.


Edhe më tej në zonat e konfliktit, sipas të dhënave që ka siguruar policia e Kosovës, janë 30 luftëtarë, 49 gra dhe tetë fëmijë.

Rënia e grupit militant Shteti Islamik, që dikur kontrollonte mbi 100 mijë kilometra katrorë territor dhe së paku tetë milionë njerëz, ka bërë që shumë luftëtarë të tij të kapen ndërsa familjarët e tyre të mbahen kampeve të ndryshme.


Etiketa: , , ,

CLOSE
CLOSE
Pas