Duke folur në Këshillin Kombëtar të Integrimit Evropian, ambasadori i BE-së, Luigi Soreca u shpreh se ndryshimet në Kodin Zgjedhor u miratuan pa kompromis.
“U miratuan ndryshimet e kodit zgjedhor duke përmbushur një kusht për konferencën e parë ndërqeveritare. Megjithatë, është e qartë se dialogu politik duhet të përmirësohet.
Ne kemi thënë që na vjen keq që ndryshimet e datës 30 korrik dhe ato të 5 tetorit u miratuan pa kompromis. Ndërsa referuar sistemit të drejtësisë kemi parë avancim”, tha Soreca.
Ambasadori i BE shtoi se po punohet për formimin e Gjykatës Kushtetuese më kuorumin e nevojshëm.
“KLGJ ka finalizuar përzgjedhjen e 3 kandidatëve jo gjykatë për Gjykatën e Lartë dhe një nga dhomat e gjykatës është funksionale duke përmbushur kështu një kusht tjetër. Po ashtu, është bërë përparim për konstituimin e Gjykatës Kushtetutës. Po punohet nga KED për vlerësimin e kandidatëve për vakancën e hapur.
Shpresojmë së të kemi listën për t’ia çuar presidentit për emërim. Kjo do ta çonte në 5 numrin e gjyqtarëve në Gjykatën Kushtetuese që do të ishte shumë afër kuorumit që duhet”, deklaroi ambasadori i BE në Tiranë.
Etiketa: Keshilli Politik, Kodi Zgjedhor, Luigi Soreca, Reforma Zgjedhore, Video
