Kryedemokrati Lulzim Basha feston sot 47-vjetorin e tij të lindjes, një ditë para zgjedhjeve për kryetar të PD, ku përballë ka në garë rivalët Edith Harxhi, Agron Shehaj dhe Fatbardh Kadilli.
Ndonëse jo kohë për festime, Basha është surprizuar nga të rinjtë e FRPD, të cilët i kanë sjellë një tortë jashtë selisë së PD, për ta uruar dhe i kanë kënduar gjithë këngën e ditëlindjes.
Të rinjtë kanë zgjedhur një tortë të veçantë, me fushën e shahut, ku shkruhej “Edhe 100 kryetar” që nuk ka kaluar pa u vënë re nga Basha, i cili është i apasionuar pas shahut. Kreu i PD shihet teksa pret një copë, që qëllon të jetë koka e mbretit të shah.
“Me lojë shahu e paskemi, shumë e bukur….Duke ia pre kokën mbretit të zi”, thotë me batutë Basha, duke falënderuar të rinjtë për surprizën.
***
Lulzim Basha ka lindur më 12 qershor të vitit 1974. Prej tetë vitesh ai ndodhet në krye të PD ndërsa më herët, në kohën e qeverisjes së PD ka mbajtur poste të rëndësishme si ai i ministrit të Transportit, Brendshëm dhe të Jashtëm.
Ndërkohë nga vitin 2011 deri në vitin 2015 ai ka mbajtur postin e kryebashkiakut të Tiranës, ndwrsa prej vitit 2013 wshtw kryetar i Partisw Demokratike.
