Grumbullimi i qumështit është bojkotuar nga fermerët e Lushnjës sot për të katërtën ditë radhazi. Protesta po zhvillohet te rrethrrotullimi i fshatit Savër. Ata kërkojnë uljen e TVSH për blerjen e qumështit, ndëkohë që po tentojnë të bllokojnë rrugën.
Policia ndodhet aty dhe u ka bërë thirrje që të mos bllokojnë rrugën. Në shenjë simbolike protestusit hedhin para policisë produktet e tyre. Gjatë protestës ata kanë filluar të përplasen me kordonin e policisë”.
Protestuesit thonë se nuk janë më asnjë parti dhe se kanë dalë aty për TVSH. Ata kanë deklaruar se “kjo nuk është protestë e opozitës”. Me pankarta në duar ato shprehen: “Po ikim dhe ne në Gjermani”.
Protestuesit: “Jemi mashtruar gjithnjë, sa do vazhdojë? Kemi të drejtë të kërkojmë më të mirën për ne. kërkojmë të drejtën tonë, poliucët pse vijnë?”
Njëri prej protestuesve deklaron: “Kam marrë kredi, prodhimet po i hedh në lumë”.