Madonna shet rezidencën ultra luksoze në Kaliforni një vit pasi e bleu nga The Weeknd. Pak më shumë se një vit pasi bleu një rezidencë mega në Hidden Hills, Kaliforni nga The Weeknd për 19.3 milionë dollarë, Madonna vendosi ta shiste rezidencën.
Diva e listoi pronën për rreth 26 milionë dollarë, një rritje e madhe nga ajo që pagoi në prill 2021.
E vendosur në një zonë të mbrojtur prej gati 3 hektarësh, prona prej 1200 metrash katrorë përfshin shtatë dhoma gjumi në ndërtesën kryesore dhe dy të tjera në pjesën tjetër, gjithsej 13 banja, një pishinë me ujë të kripur, një spa, një suitë master, një bodrum të madh dhe më pas një garazh që mban 5 makina, një fushë basketbolli, një kinema dhe teatër, palestër dhe tetë stalla për kuajt.