Një aksident i rëndë ndodhi mëngjesin e sotëm në Rrugën e Kombit me pasojë një humbje jetë e një i plagosur.
Dy të rinj nga Tropoja, po udhëtonin nga Tirana drejt Kukësit, me një automjet tip ‘Benz’. Në afërsi të fshatit Kolsh, drejtuesi mjetit ka humbur kontrollin dhe ka dalë jashtë rruge, duke përfunduar në greminë, rreth 100 metra poshtë rrugës.
Viktima ka mbetur 25-vjeçar me iniciale A. Rr. Ndërsa i plagosuri, Xh. L ., 19 vjeç, është në gjendje të rëndë është dërguar në spitalin e Tiranës për ndihmë të specializuar.
Shkak mendohet të ketë qenë pakujdesia dhe manovrimi jo si duhet i automjetit pasi në rrugë nuk janë vënë re gjurmë të frenimit.
Pjesa e rrugës, nga ku ka dalë automjeti jashtë saj nuk ka trafikndarëse.
