Një 45-vjeçar është arrestuar nga policia në Maliq, pasi ka plagosur me thikë dy persona.
Njoftohet nga policia se në pranga ka rënë shtetasit L. L., 45 vjeç, i cili gjatë një konflikti për motive të dobëta në rrugën e fshatit, ka plagosur shtetasin P. S., 62 vjeç, i cili ndodhet jashtë rrezikut për jetën, dhe shtetasin F. M., 46 vjeç, i cili ndodhet në gjendje të rëndë për jetën.
Njoftimi i policisë:
Specialistët për Hetimin e Krimeve në Komisariatin e Policisë Maliq, bënë arrestimin në flagrancë të shtetasit L. L., 45 vjeç, banues në fshatin Orman-Pojan, Maliq.
Shtetasi i mësipërm, mbrëmjen e djeshme, gjatë një konflikti për motive të dobëta në rrugën e fshatit, dyshohet se ka dëmtuar me mjet prerës (thikë) shtetasin P. S., 62 vjeç, i cili ndodhet në Spitalin e Korçës jashtë rrezikut për jetën dhe shtetasin F. M., 46 vjeç, banues në fshatin Orman-Pojan, Maliq, i cili ndodhet në gjendje të rëndë për jetën.
Materialet i kaluan Prokurorisë pranë Gjykatës së Shkallës së Parë Korçë për veprën penale “Plagosja e rëndë me dashje”.
Etiketa: 45-vjeçari, arrestohet, Maliq, me thikë, Plagosje
