Fitorja e dytë në La Liga për Barcelonën që hodhi pas krahëve barazimin e një jave më parë në transfertën baske ndaj Bilbaos pasi arriti të triumfonte në Camp Nou me shifrat 2-1 ndaj Getafes së Michel.
Një ndeshje që nisi në dishezë për Barcelonën që zhbllokoi shifrat që në minutën e 2-të me Sergi Roberton. Por nuk vonoi shumë dhe blaugranat u ndëshkuan nga dy ish-lojtarë që kanë dalë nga akademia e tyre. Në minutën e 18-të Getafe barazoi shifrat me Sandro Ramirez që shfrytëzoi asistin e Carles Alena.
Gjithsesi brenda pjesës së parë Barcelona e pa veten sërish në epërsi falë Memphis Depay një nga më të mirët në fushë për Barçën në këtë ndeshje, me holandezin që realizoi golin e avantazhit dhe atë të 3 pikëve në minutën e 30-të pas asistit që mori nga holandezi tjetër Frenkie De Jong.
Pavarsisht përpjekjeve të të dyja ekipeve rezultati mbeti i pandryshuar deri në fund me Barcelonën që mori tre pikë të vlefshme duke iu bashkangjitur në krye në kuotën 7 pikëvë Realit të Madridit, Sevillas dhe Valencias. 90 minuta në stol për shqiptarin Rey Manaj të cilit sërish nuk iu dha mundësia nga trajneri Ronald Koeman për të debutuar me Barcelonën në një ndeshje zyrtare.
Etiketa: barcelona, fitore, Manaj ne stol
