Ministrja e Shëndetësisë, Ogerta Manastirliu dha mesditën e sotme detaje për situatën në spitale, ndërsa shtroi 3 skenarë për përballimin e shtimit të rasteve me koronavirus.
Në një konferencë të përbashkët me kryeministrin Edi Rama nga godina e Kryeministrisë, Manastirliu tha se janë 234 pacientë të shtruar, sipas saj, shumë më pak se kuota e përcaktuar në spitalet Covid (555 shtretër).
Më tej, Manastirliu sqaroi se tre skenarët për përballimin e numrit të të prekurve nga koronavirusi, parashikojnë përfshirjen e spitaleve rajonale, gjithmonë nëse plotësohen kuotat e 55 shtretërve.
“Ne në strategjinë tonë jemi përgatitur me disa skenarë për përfshirjen e spitaleve rajonale. Kjo situata na ka mësuar dhe ka rezultuar sukses fakti që ne e kemi përqëndruar shtrimin e pacientëve në struktura të veçanta.
Sot ne garantojmë 100% të terapive sikurse edhe vendet e tjera kanë. Kemi aktualisht 3 skenarë; në skenarin e parë përfshihen 5 spitale rajonale, në të dytin 3 spitale dhe në të tretin shtohemi me 140 shtretër. Në total do të kemi rreth 1600 shtretër”, -tha Manastirliu.
