Ministri i Drejtësisë Ulsi Manja ka zhvilluar ditën e sotme një takim me kantautorin Boiken Lako, i cili u dënua nga gjykata e Tiranës me 3 vite burg për ndërtim të paligjshëm. Gjykata e konvertoi dënimin e tij në shërbim prove.
Takimin e ka bërë të ditur vetë Manja përmes një postimi në Facebook. Ai shkruan se tashmë kryerja e shërbimit të provës nga ana e këngëtarit do të jetë shembulli i parë i një qasjeje dhe vizioni tjetër për këtë shërbim.
“Nuk mund të kthejmë pas çka ndodhur, por mund të bëjmë që shërbimi i Bojkenit ndaj komunitetit të mos shihet si provë, por si kontribut, ashtu si ai ka ditur gjithmonë ta japë. E pse jo, të jetë shembulli i parë i një qasjeje dhe vizioni të ri që kemi për Shërbimin e Provës dhe në këtë panoramë të re, së bashku me Bojkenin, biseduam dhe dakorduam për një projekt mjaft interesant, të cilin e pres me padurim të vihet në jetë”, shkruan Manja.
