Pesë shqiptarë u arrestuan në Tiranë, Vlorë, Durrës dhe Lezhë, në kuadër të operacionit ndërkombëtar kundër trafikimit të drogave të forta, të koduar “Los Blancos”.
Operacioni është zhvilluar në Shqipëri dhe 9 shtete të tjera si Itali, Belgjikë, Emiratet e Bashkuara Arabe, Gjermani, Greqi, Holandë, Rumani, Hungari dhe Ekuador.
MAPO siguron emrat e shqiptarëve të arrestuar. Në Tiranë ka rënë në pranga Gentjan Manaj, Tiranë, Rexhino Ibrahimi në Durrës, Vladimir Lesaj në Lezhë si dhe Elvis Jaupaj e Jorin LLambro në Vlorë.
Nga hetimet ka rezultuar se një shtetas shqiptar drejtonte një kompani të quajtur “KOMPANIA BELLO”, që merrej me importimin e ngarkesave të mëdha të kokainës nga Amerika e Jugut, të financuara nga grupe të rëndësishme të trafikantëve të drogës që veprojnë në të gjithë Evropën.
Hetimet kanë nisur në vitin 2015 dhe gjatë kësaj periudhe janë mbi pesë milionë e gjysmë euro dhe pothuajse 4 tonë kokainë që janë kapur dhe sekuestruar nga Policia.
Shqiptarët e arrestuar
Gentjan Manaj, 35 vjeç, Tiranë
Rexhino Ibrahimi, 33 vjeç, Durrës
Vladimir Lesaj, 40 vjeç, Lezhë
Elvis Jaupaj, 27 vjeç, Jorin Llambro, 31 vjeç, Vlorë
LEXO EDHE:
Shkatërrohet karteli më i madh shqipfolës i kokainës, kush janë shqiptarët e arrestuar (VIDEO)
