Kronika

MAPO siguron foton e 26-vjeçares që nxori në pritë Hekuran Billën





Bëni LIKE faqen zyrtare në Facebook
               Publikuar në : 15:53 - 26/06/20 |
mapo.al

Adiola Lakra, 26-vjeçarja nga Berati, u arrestua sot nga Policia e Shtetit si bashkëpunëtore në vrasjen e Hekuran Billës, ngjarje kjo e ndodhur te Komuna e Parisit, mbrëmjen e 11 qershorit.


E reja bashkëpunëtore në krim është vajza që shihni në foto. Grupi hetimor dyshon se ajo ka bashkëpunuar me Sebastjan Malin dhe Viktor Markun për ekzekutimin që tronditi Tiranën.



Mësohet se 26-vjeçarja dyshohet që ka telefonuar Hekuran Billën para krimit dhe i ka lënë takim, në zonën e Komunës së Parisit, aty ku po e prisnin vrasësit. Adjola Lakra, me banim në Berat, ishte në një lidhje me Hekuran Billën prej gati 2 vitesh.


Pas krimit, ajo ka qenë nën vëzhgimin e policisë për 3 ditë me radhë, ku më pas është bërë arrestimi i saj, në bashkëpunim me Policinë e Beratit.

Plani për ekzekutimin e Hekuran Billës
Adiola Lakra ka qenë personi kyç në realizimin e vrasjes së Hekuran Billës. Mësohet se ajo njoftonte Sebastian Malin, nipin e Viktor Markut, për lëvizjet e të dashurit të saj. Pasi la takim me të, 26-vjeçarja ka informuar Sebastian Malin për vendndodhjen e Hekuran Billës.

Më pas, ka qenë Mali i cili ka njoftuar dajën e tij, i cili ka mbërritur aty me një automjet ngjyrë të zezë dhe brenda pak sekondash, ka zbrazur karikatorin me silenciator drejt Hekuran Billës, duke e lënë të vdekur në vendin e ngjarjes. Mësohet se ajo është shtyrë prej Viktor Billës dhe Sebastian Malit që të krijojë njohje dhe lidhje me viktimën, duke përgatitur kështu një plan perfekt deri në realizimin e tij.

Në kërkim një tjetër
Në kërkim është ndërkohë bashkëpunëtori tjetër në atentatin e 11 qershorit. Policia ka arrestuar më herët Viktor Markun dhe nipin e tij Sebastian Mali. Marku ka qenë ekzekutori i Hekuran Billës, për motive hakmarrje, pasi viktima i ka vrarë të vëllanë, Prel Marku, ngjarje kjo e ndodhur në Angli disa vite më parë.


Etiketa: , ,

CLOSE
CLOSE
Pas