Jurgen Duka, 29 vjeç, mbeti i vdekur pasi u qëllua me armë zjarri pistoletë në një supermarket në Tiranë.
Ngjarja ndodhi në orët e para të mëngjesit në rrugën “Irfan Tomini”.
Në kasën e supermarketit disa të rinj u konfliktuan me njëri-tjetrin.
MAPO siguron videon e sherrit që përfundoi me një të vrarë.
Në atë moment, autori i ngjarjes (i riu me xhup të zi) nxjerr armën e zjarrit pistoletë dhe qëllon 29-vjeçarin Jurgen Duka.
Ai ndërroi jetë në Spitalin e Traumës në kryeqytet.
Tiranë/Informacion paraprak
Me datë 14.12.2021, rreth orës 00:20, në rrugën “Irfan Tomini”, shtetasi J.D. (M)., është konfliktuar me një person ende të paidentifikuar.
Personi ende i paidentifikuar ka qëlluar me armë zjarri ku ka mbetur i plagosur shtetasi J. D. (M)., rreth 29 vjeç. Si pasojë e plagëve të marra, shtetasi J. D. (M)., ka ndërruar jetë në Spitalin Universitar të Traumës.
Shërbimet e Policisë kanë kaluar menjëherë në vendngjarje, dhe Grupi hetimor, nën drejtimin e Prokurorisë ka sekuestruar prova materiale që shërbejnë për të identifikuar autorin e ngjarjes.
Janë marrë në pyetje shoku i shtetasit J. D. (M)., dhe persona të tjerë në vendngjarje.
Vijon puna për identifikimin e kapjen e autorit.
