Aktualitet

Masat në Greqi/ 7 ditë karantinë për shqiptarët nga 16 gushti








Bëni LIKE faqen zyrtare në Facebook
               Publikuar në : 17:10 - 13/08/20 |
mapo.al

Ministria për Evropën dhe Punët e Jashtme në vendin tonë ka bërë me dije oraret e lëvizjes për udhëtarët dhe automjetetet në hyrje dhe në dalje të Greqisë.


Sipas njoftimit nga data 16 gusht 2020, personat që hyjnë në Greqi nëpërmjet pikave të Kalimit të Kakavijës dhe Kapshticës, do të karantinohen për 7 ditë.


Njoftimi i plotë


Ministria për Evropën dhe Punët e Jashtme njofton se pikat e kalimit të kufirit Kakavijë dhe Kapshticë nga pala greke do të jenë të mbyllura për udhëtarët dhe automjetet si në hyrje edhe në dalje të Greqisë gjatë fashës së orarit 22:00-06:00.


Pikat e kalimit do të jenë të hapura për qytetarët dhe automjetet çdo ditë nga ora 06:00 deri në 22:00.

Sa më sipër, ftohen qytetarët dhe drejtuesit e automjeteve që të shmangin lëvizjet dhe udhëtimet gjatë orarit kur pikat e kalimit janë të mbyllura pasi mjetet dhe udhëtarët nuk do të lejohen nga Policia Kufitare që të parkojnë apo qëndrojnë në territorin doganor e kufitar.

Gjithashtu, duke filluar nga data 16 gusht 2020, shtetasit që hyjnë në Greqi nëpërmjet Pikës së Kalimit të Kufirit Kakavije dhe Kapshticë, do të karantinohen për 7 ditë.

Kujtojmë që lejohet hyrja në Greqi vetëm për shtetasit grekë, shtetasit shqiptarë e të huaj me leje qëndrimi greke dhe minoritarë me kartën përkatese. Ndërsa shtetasit e të BE-së apo me leje qëndrimi në vendet e BE-së dhe vendet e treta nuk lejohet të hyjnë në Greqi nëpërmjet P.K.K. Kakavije dhe Kapshticë.


Etiketa: , ,

Pas