Futbollisti i Kombëtares, Mërgim Mavraj tashmë mund të quhet zyrtarisht lojtari i skuadrës së Ingolshtadit, ekip i cili luan në Bundesligën e dytë në Gjermani. Në merakton e verës, mbrojtësi vendosi të bashkohet me ekipin e Arisit në Greqi, por tani duket se gjërat kanë ndryshuar dhe Mavraj është rikthyer andej nga erdhi.
Lojtari i Kombëtares ka firmosur një kontratë deri në vitin 2020 dhe menjëherë është bërë gati të udhëtojë në Alikante në Spanjë për fazën përgatitore të ekipit. Futbollisti shihet si alternativa e duhur, i cili do t’i sigurojë me shumë gjasa mbijetesën këtij klubi. Harald Gartner, Drejtori për Komunikimin në klub vlerësoi Mavrajn duke e quajtur një luftëtar të jashtëzakonshëm.
“Mërgimi sjell te ne cilësitë që na duhen për të qëndruan në ligë dhe të arrijmë objektivin sezonal. Ai është një fitues i vërtetë, e njeh futbollin gjerman dhe është një luftëtar i jashtëzakonshëm”, tha ai.
Për këtë aventurë të re ka folur edhe vetë futbollisti, i cili shprehu bindjen se do të dalë nga kjo gjendje e vështirë në të cilën ndodhet.
“Jam i bindur që do luftojmë për të dalë nga kjo situatë e vështirë. Në karrierën time, kam përjetuar momente të ngjashme dhe tani dua të sjell eksperiencën time në klub.”, tha ai.
(BalkanWeb)
