Sulmuesi Kylian Mbappe do të largohet nga PSG dhe ia ka bërë të qartë drejtuesve diçka të tillë. Sulmuesi 21-vjeçar u ka komunikuar drejtuesve të klubit se dëshiron të largohet nga klubi parisien në verën e ardhshme.
Kampioni i botës ka një kontratë deri në vitin 2022 me PSG, por ka refuzuar çdo ofertë për rinovim. Leonardo ka vënë në dijeni dhe presidentin e klubit, por situata është e pashpresë.
Mbappe ndiqet prej kohësh nga Real Madridi dhe një ëndërr e tij është të luajë me “Los Blancos”. Kalimi i mundshëm i tij e kalon automatikisht si titullar, pasi Benzema ka vite mbi shpatulla. Kampionët e Spanjës nuk janë të vetmit që e duan, pasi Liverpooli dhe Man. City po punojnë në heshtje.
Etiketa: Mbappe, PSG, Real Madrid
