Aktualitet

Mbërrijnë vaksinat e fundit të Sinovac në Rinas, pasdite priten doza nga Pfizer














Bëni LIKE faqen zyrtare në Facebook
               Publikuar në : 15:57 - 19/04/21 |
mapo.al

208, 000 vaksina kineze Sinovac kanë mbërritur sot në aeroportin e Rinasit, ndërkohë që pritet brenda ditës marrja e dozave të tjera nga kompania Pfizer.





Vaksinat kineze u pritën nga ministrja e Shëndetësisë, Ogerta Manastirliu dhe ministri Arben Ahmetaj.


Manastirliu deklaroi se marrja e 208 mijë dozave përmbyll kontratën me distributorin turk të Sinovac.





Në total, Shqipëria ka marrë 500,000 vaksina kineze.



Ministrja gjithashtu bëri të ditur se mbrëmjen e sotme do të mbërrijnë 8190 vaksina Pfizer.


“Sot pritet të vijnë doza të tjera vaksine nga kontrata e Pfizer, do të jenë 8190 doza që mbërrijnë mbrëmjen e sotme dhe do të vijojmë ashtu sikurse e kemi thënë të intensifikojmë procesin e vaksinimit dhe të kemi sipas objektivit tonë, 500 mijë vaksinime deri në maj, dhe të vaksinojmë çdo qytetar shqiptar brenda pranverës së vitit tjetër”, – u shpreh Manastirliu.

Lexo edhe :  Yuri Kim monitoron numërimin: Mos shpallni fitoren, presim çfarë thotë populli

Ministrja vijoi duke thënë se procesi i vaksinimit po ecën me ritme të larta. “Jemi të vendosur të vijojmë me intensitet kudo në Shqipëri, qoftë përsa i përket grupmoshës +60 dhe mbi të gjitha të sëmurëve kronikë, por edhe me grupet e riskuara”, –  mëshoi ajo.

Që prej fillimit të vaksinimit janë kryer në total 333,330 doza të vaksinës ndaj Covid-19, prej të cilëve 251,726 vaksinime për persona mbi 60 vjeç.

1


Etiketa: , , ,

CLOSE
CLOSE
Pas