Ende nuk dihet fati i punëtorit brenda minierës në Bulqizë. Ngjarja u shënua sot rreth orës 12:10. Policia bëri të ditur një masiv mineralesh u shemb në një galeri në zonën e parë, duke zënë brenda një minator.
Sipas policisë minatori Muharrem Plaku ka qenë duke punuar në brendësi të galerisë, dhe nuk dihet nëse është bllokuar apo është zënë poshtë nga masivi i shembur.
Ngjarja ka ndodhur në një galeri të subjektit “KADURTEX”, në pronësi të vëllezërve Myfit dhe Kapllan Duriçi, ky i fundit, administrator i kompanisë.
Grupi i avari shpëtimit dhe specialistë të Repartit të Inspektim Shpëtim Minierave (RISHM) ndodhen në vendin e ngjarjes por sipas informacioneve sasia e materialit është shumë e madhe dhe është shumë e vështirë nxjerrja e minatorit Muharrem Plaku.
LEXO EDHE:
Aksident në minierën e Bulqizës, bllokohet tekniku në galeri
Etiketa: edne asnje shenje, minatori, Miniera e Bulqizes, Muharrem Plaku
