Një fustan bardh e zi prej vetëm 49 eurosh i firmosur nga Mango u bë protagonist i një rastësie kurioze në Spanjë: në të njëjtën ceremoni e mbanin të veshur edhe mbretëresha Letizia, edhe një prej fituesve të çmimeve, profesoresha Inmaculada Vivas Tesón e Universitetit të Seviljes.
Letizia ishte në Merida për të dorëzuar çmimet me emrin e saj, të dhëna nga Shtëpia Mbretërore Spanjolle, për ata që janë të përkushtuar për çështjet e personave me aftësi të kufizuara. Kur vuri re se kishte zgjedhur të njëjtin “look” si fituesja, mbretëresha reagoi me një buzëqeshje duke bërë një gjest të cilën profesoresha ia ktheu po ashtu me një buzëqeshje.
Fustani dy ngjyrash pa mëngë ishte pjesë nga koleksioni “ceremony” i Mango, me një fund me gjatësi mesatare dhe një rrip në bel që e bëjnë elegant dhe të përshtatshëm për çdo siluetë. Tashmë është bërë virale fakti që profesoresha dhe mbretëresha mbanin të njëjtën veshje.
