***
Kujtojmë se kryeministri Rama ‘sulmoi’ disa javë më parë Prokurorin Ndoja, duke e cilësuar këtë të fundit si të lidhur me krimin e organizuar.
Sulmi i Ramës ndaj prokurorit nga Durrësi, vjen pasi ky i fundit urdhëroi pak javë më parë, arrestimin e kreut të Kadastrës së qytetit bregdetar, Liridon Pula – një zyrtar i Partisë Socialiste, ku masa e sigurisë e kërkuar nga Ndoja për kreun e Kadastrës, Liridon Pula, u pranua dy javë më parë nga Gjykata Durrës.
“Një rast flagrant i shkeljes së ligjit, por jo vetëm i shkeljes së ligjit por të transformimit të një figure të sistemit të drejtësisë në përfaqësues të interesave të krimit, që sigurisht nuk do t’i shpëtojë ndëshkimit,” deklaroi Rama gjatë një takimi me qetarë të transmetuar në ERTV.
“Fatkeqësisht po shohim se pastrimi i llumit nga sistemi i drejtësisë ka dhe një efekt negativ, sepse shumë prokurorë e gjykatës që janë të zhytur deri në fyt, po e shfrytëzojnë pushtetin që ju jep ligji me moton ‘të kapin, çfarë të kapim’,” shtoi kreu i ekzekutivit.
***
Gjithashtu Ndoja u sulmua në disa dalje publike dhe nga zv/kryeministri Erjon Braçe, i cili ishte gjithashtu prezent në gjykatë. Pas shpalljes së vendimit të gjykatës për masën e sigurisë, Braçe e akuzoi prokurorin e Durrësit për presion kriminal ndaj zyrtarit socialist.
“Pa më të voglin diskutim që është akti final i një historie të gjatë gati një mujore, presioni, shantazhi kriminal mbi punonjësin që sot ishte me pranga në sallën e gjyqit,” deklaroi Braçe, duke marrë në mbrojtje zyrtarin e akuzuar.
“Presion dhe shantazh kriminal, që është bërë jo për këtë çështje, por për pallate monstruoze që duhet të legalizohen në këtë qytet,” tha ai, duke mos i kursyer akuzat për prokurorin e çështjes.
Kjo nuk është hera e parë që prokurori Ndoja ndodhet në qendër të akuzave. Pak më shumë se një dekadë më parë ai është hetuar për pastrim parash dhe fshehje pasurie, por akuzat ndaj tij janë hedhur poshtë.
LEXO EDHE:
U plagos me dy plumba në atentat, ja gjendja e prokurorit Arjan Ndoja
Në makinën e prokurorit, kush është i tmerrshmi që dhunoi barbarisht biznesmenin libanez
Etiketa: Arjan Ndoja, atentat, Atentat prokurorit Arjan Ndoja, Edi Rama, Erion Braçe, Sulm
