Aktualitet

Me 225 km/h në Fier-Vlorë, dy shqiptarët i morën makinat me qira në Zvicër














Bëni LIKE faqen zyrtare në Facebook
               Publikuar në : 09:49 - 22/07/21 |
mapo.al

Dy makinat superluksoze me targa zvicerane që u konstatuan nga Policia e Vlorës duke udhëtuar me shpejtësi 225 km në orë, ishin marrë me qira në Zvicër.






Dy automjetet e shtrenjta, njëra “Lamborghini” dhe tjetra tip “BMW”, siç bëjnë me dije mediat zvicerane, ishin marrë me qira në Schuebelbach dhe në kantonin Schwyz të Zvicrës.


Shqiptarët me origjinë nga Kosova dhe banues në Zvicër u konstatuan dy ditë më parë duke garuar me shpejtësi marramendëse prej 225 km/h në autostradën Fier-Vlorë.





Pas ndalimit nga policia, ata u ndëshkuan vetëm me gjobë.





Në këtë mënyrë janë njoftuar shërbimet policore në Vlorë, të cilët kanë ndëshkuar dy drejtuesit e mjeteve. Më konkretisht, shoferi i automjetit ‘Lamborghini’, shtetasi I. B., 40 vjeç, banues në Zvicër, është ndëshkuar me masë administrative 168.000 lekë, ndërsa drejtuesi i mjetit tip ‘BMW’ shtetasi M. N., 36 vjeç, banues në Kosovë, është ndëshkuar me masë administrative 120.000 lekë”, sqaroi Policia.

Ndërkohë, gjatë ditës së djeshme në Bypass-in e Fierit, në aksin Fier-Vlorë, janë konstatuar me radar, nga shërbimet e Policisë Rrugore, dy automjete, një “Land Rover” që drejtohej nga shtetasi B. S., nga Tirana, i cili qarkullonte me shpejtësi 194/km/h dhe një “Benz” që drejtohej nga një shtetas kosovar M. I., me banim në Zvicër, i cili qarkullonte me shpejtësi 191 km/h.

Lexo edhe :  Gazment Bardhi: Rama ndaloi ndryshimin me forcë, projekti ynë mbijetoi

“Të dy drejtuesit e mjeteve nuk i kanë ndaluar patrullës së Policisë Rrugore me radar, por janë kapur nga shërbimet e Policisë Vlorë dhe janë ndëshkuar me masë administrative me nga 48.000 lekë të rinj secili”, sqaron Policia e Shtetit. Gjithashtu, në rrugën interurbane TiranëDurrës, shërbimet e Policisë Rrugore kanë konstatuar me radar, mjetin tip “Benz” që drejtohej nga shtetasi B. K., nga Tirana, i cili qarkullonte me 160 km/h.

Drejtuesi është ndëshkuar me 10.000 lekë të rinj gjobë, pezullim të lejes së drejtimit 3 muaj dhe zbritje pikësh nga patenta.

Gjatë kontrolleve në 48 orët e fundit janë pezulluar gjithsej 64 leje drejtimi, nga të cilat 48 për drejtim mjeti me shpejtësi tej normave të lejuara dhe 16 për drejtim mjeti nën efektin e alkoolit apo në gjendje të dehur.

99


Etiketa: , , , , ,

Pas