Në një kohë kur ka nisur hetimi disiplinor ndaj kryegjyqtares së Elbasanit Enkeleda Kapedani, të tjera video po qarkullojnë në rrjete sociale.
Në videot e publikuara së fundmi në Tik Tok shfaqet kryegjyqtarja në makinë pa rrip sigurimi dhe me gishtin e mesit lart. Në disa video të tjera ajo bën “paradë mode”.
Një ditë më parë Inspektori i Lartë i Drejtësisë, Artur Metani, urdhëroi nisjen e hetimit disiplinor ndaj kryetares së Gjykatës së Elbasanit, pas disa videove të postuara në rrjetin social “TikTok”.
Ndërkohë kryegjyqtarja u shpreh se nuk ka asnjë përgjigje lidhur me nisjen e hetimeve nga ILD, ndërsa theksoi se nuk e di se kush i ka shpërndarë videot, pasi ajo vetë nuk ka Tik Tok dhe s’ka përdorur kurrë rrjete sociale.
LEXO EDHE:
Nga Miss Shqipëria te kryegjyqtare e Elbasanit, rrugëtimi i Enkeleda Kapedanit
Videot skandaloze, kryegjyqtarja: S’kam ‘Tik Tok’, skenar për prishje imazhi
