Me rezultat 4-0, Interi ka fituar si mysafir i Genoas në ndeshjen e xhiros së 30-të në Kampionatin Italian. Rezultati u zhbllokua në minutën e 15-të  takimit nga zikaltërit me anë të Roberto Gagliardinit, i cili u asistua nga Kwadwo Asamoah. Në minutën e 40-të u akordua penallti në favor të zikaltërve, ndërsa përgjegjësinë e mori i rikthyeri Mauro Icardi, i cili rezultoi i saktë.






Ivan Perisic e shënoi golin e tretë në pjesën e dytë (54′). Gagliardini e vendosi rezultatin përfundimtar në ndeshje me golin e dytë personal në këtë takim (81′). Interi është i treti në tabelë me katër pikë më shumë se Milani që ndodhet një vend më poshtë, kurse Genoa vazhdon të qëndrojë larg zonës së rrezikut. Në xhiron e radhës, zikaltërit luajnë kundër Atalantas, kurse Genoa udhëton te Napoli.