Aktorja e njohur, Jonida Vokshi tha në një intervistë për “Top Albania Radio” se, për momentin nuk ka në plan të rikthehet në televizion.
“Më ka marrë malli shumë. Nuk e di a do mundem dhe nuk e di sa do jetë fluksi i xhirimeve të sezonit të dytë për serialin. Kam në plan që mbase sezonin tjetër të rikthehem”, tha Vokshi.
Ajo rrëfeu se aktualisht po punon për të hyrë në tregun e kinematografisë si producente.
“Dua ta marr në konsideratë të bëhem producente. Jam në tentativa, Besniku po më ndihmon shumë. Kam një projekt në mendje. Kam qejf ta tentoj dhe ta mendoj”, u shpreh ajo më tej. /Mapo.al
