Një grabitje e armatosur ka ndodhur mëngjesin e së dielës në Fllakë të Durrësit. Ngjarja ndodhi rreth orës 08:50, ndërsa siç raportohet grabitja u krye nga tre persona.
Një prej tyre qëndroi në automjet në gatishmëri, ndërsa dy të tjerë me kapele dhe maska anti-COVID kanë kërcënuar me mjete prerëse e sende të forta menaxherin e pikës së karburantit.
I kërcënuar, ai u ka dorëzuar sasinë e parave që ishte grumbulluar gjatë orëve të natës. Pasi kanë marrë paratë, grabitësit u larguan me shpejtësi.
Nuk dihet shuma e parave të grabitura ndërsa policia është duke ndjekur gjurmët e autorëve pasi janë sekuestruar edhe pamjet e filmuara nga kamerat e sigurisë.
LEXO EDHE:
Grabitet karburanti në Fllakë të Durrësit, policia në kërkim të autorëve
1
Etiketa: Durrës, Fllake, grabitje, karburant
