Aktualitet

Me maskë dhe distancë – Ja rregullat që duhen ndjekur në ditën e zgjedhjeve














Bëni LIKE faqen zyrtare në Facebook
               Publikuar në : 17:30 - 20/04/21 |
mapo.al

5 ditë përpara zgjedhjeve më 25 Prill, bëhen publike rregullat që çdo qytetar do të duhet të ndjekë në proçesin e votimit, konform protokollit anti-Covid.





Drejtoresha e ISHP-së, Albana Fico ka firmosur urdhrin që specifikon rregullat, hap pas hapi.


Anëtarët e komisioneve dhe votuesit duhet të jenë fillimisht të pajisur me maskë.





Të parët që do të paraqiten në qendrat e votimit – mëngjesin e së dielës në orën 07:00 –  janë anëtarët e komisioneve.



Ata do të lejohen të futen vetëm nëse do të kenë një formular vetëdeklarimi që paraqet gjendjen e tyre shëndetësore, nëse rezultojnë negativ, pa temperaturë apo simptoma të Covid-19.


ISHP thekson se në të kundërt, anëtarët e komisioneve do t’u kërkohet të qëndrojnë në shtëpi, sikundër edhe personave që janë të infektuar me Covid-19.

Sallat e votimit kërkohet të jenë mundësisht në katin e parë si dhe të kenë sa më shumë ajrosje; në hyrje të tyre do të vendoset një dezinfektant.

Gjithashtu kërkohet që kutia e votimit të jetë 2 metra larg anëtarëve të komisionit, të cilët do të jenë të vendosur 1.5 metra larg njëri- tjetrit. Po ashtu, mjediset duhet të dezinfektohen përpara nisjes së procesit të  votimit.

Për mbarëvajtjen e procesit, ISHP kërkon praninë e një personi që të kontrollojë zbatimin e rregullave. Edhe jashtë ambienteve të qendrës së votimit kërkohet që të mos ketë grumbullime.

<
>
1-113 2-104 3-92 4-81
1


Etiketa: , ,

CLOSE
CLOSE
Pas