MAPO siguron disa prej momenteve ku shihet shoqërimi nga policia të disa prej punonjësve të Ndërmarrjes së Pasurive Publike në Lushnjë. Ditën e sotme u bë ekzekutimi i 11 urdhër-arresteve, mes tyre edhe punonjëse femra.
Në pamjet në fjalë shihet se si një oficere policie shoqëron drejt fugonit të policisë një punonjëse të Bashkisë së Lushnjës, ndërkohë që pak sekonda më vonë nga godina del dhe kolegu i saj, të cilit i janë vendosur prangat.
Në kuadër të këtij aksion të urdhëruar nga SPAK, u arrestua dhe kryebashkiaku i Lushnjës, Fatos Tushe, pasi akuzohet për shpërdorim detyre.
PERSONAT E ARRESTUAR
-Fatos Tushe, kryebashkiaku i Lushnjës, shpërdorim detyre në bashkëpunim
-Flamur Peqini, drejtor i Ndërmarrjes së Pasurive Publike, ‘arrest me burg’ për ‘shpërdorim detyre’ në bashkëpunim dhe ‘shkelje të barazisë së pjesëmarrjes në tendera apo ankande publike’
-Xhemal Hasko, nëndrejtor i Ndërmarrjes së Pasurive Publike, iu caktua masa ‘arrest shtëpie’ për veprën penale ‘shkelje të barazisë së pjesëmarrjes në tendera apo ankande publike’
-Gazment Çela, nëndrejtor i Ndërmarrjes së Pasurive Publike, ‘arrest me burg’ për ‘shkelje të barazisë së pjesëmarrjes në tendera apo ankande publike’
-Blerta Turku, juriste e Ndërmarrjes së Pasurive Publike, ‘arrest me burg’ për ‘shkelje të barazisë së pjesëmarrjes në tendera apo ankande publike’
-Ani Simoni, inxhiniere e Ndërmarrjes së Pasurive Publike, arrest në shtëpi, e dyshuar për për kryerjen e veprës penale, të ‘Shkeljes së barazisë në tendera apo ankande publike’, kryer në bashkëpunim
-Andri Musho, inxhinier i Ndërrmjarrjes së Pasurive Publike, arrest në shtëpi, i dyshuar për për kryerjen e veprës penale, të ‘Shkeljes së barazisë në tendera apo ankande publike’, kryer në bashkëpunim
-Margarita Gjermeni, inxhiniere e Ndërrmjarrjes së Pasurive Publike, arrest në shtëpi e dyshuar për kryerjen e veprës penale, të ‘Shkeljes së barazisë në tendera apo ankande publike’, kryer në bashkëpunim
-Bujar Murati, inspektor i Ndërrmjarrjes së Pasurive Publike, arrest në burg, administrator i kompanisë Euro Alb shpk, i dyshuar për kryerjen e veprës penale “falsifikim i dokumenteve”, kryer në bashkëpunim
-Ibrahim Lami, inspektor i Ndërrmjarrje së Pasurive Publike, arrest në burg administrator i kompanise ‘Loti Shpk’, i dyshuar për kryerjen e veprës penale “falsifikim i dokumenteve”, kryer në bashkëpunim.
