Kryetari i Gjykatës Kushtetuese në Kosovë, Enver Hasani, thotë se është duke u shantazhuar nga politika.
Ai shprehet se persona të lidhur me partinë e Ramush Haradinajt, AAK, e kanë në shënjestër.
Sipas Kohës Ditore, ai ka bërë dy denoncime në polici për këto shantazhime.
Në një video që ka nisur të qarkullojë në rrjetet sociale, një femër tregon se si Hasani i ka kërkuar shërbime seksuale një studenteje në këmbim të notës në fakultet.
Ajo thotë se Hasani ka një dhomë në një hotel në Vushtri, ku dërgon studentet.
AAK thotë se këto denoncime janë të pakuptimta.
