Situata ka një rëndim të lehtë konstaton Komiteti Teknik i menaxhimit të pandemisë, i cili bëri sot një pasqyrim të të dhënave të dy javëve të fundit.
Numri i vizitave në banesë vijon të jetë i lartë, 463 vetëm në 24 orët e fundit nga të cilët 46% e tyre përfundojnë në spital.
Përsa i përket infeksiozitetit, Drejtoresha e ISHP-së Albana Fico jep këto shifra:
Sipas gjinive kemi –
Femra të prekura – 52%
Meshkuj të prekur – 48%.
Moshat më të prekura janë, 65 dhe 74 vjeç, ndjekur nga pas me grupmoshën 55 dhe 64.
Në grupmoshën e fëmijëve 0 deri në 4 vjeç nuk kemi ndryshime përsa i përket incidencës, dhe për moshat 5 deri në 14 vjeç është e njëjta situatë.
Përsa i përket testimeve, numri i testimeve për persona ishte për targetin 1 për 1000 banorë në javë, ndërsa tani kemi kaluar në 5.8 në 1000 banorë.
LEXO EDHE:
Koronavirusi – Komiteti i Ekspertëve: Universitetet do të vijojnë mësimin online
