Aktualitet

Me silenciator në shtëpi, në pranga 65-vjeçari në Kavajë, i dënuar më parë në Itali








Bëni LIKE faqen zyrtare në Facebook
               Publikuar në : 10:11 - 25/11/20 |
mapo.al

Kavajë – Një 65-vjeçar është vendosur në pranga pasi mbante silenciator dhe municion luftarak në banesë, në lagjen nr.3. Uniformat blu bëjnë të ditur se është arrestuar Osman Isufi.



Ai rezulton gjithashtu i dënuar më parë në Itali për veprën penale “Përndjekja”. Ndaj tij rëndon  tashmë akuza për veprën penale “Armëmbajtja pa leje”, për të cilën parashikohet dënimi me burg deri në 7 vjet.


Njoftimi i Policisë:




Finalizohet nga Komisariati i Policisë Kavajë, një tjetër operacion në fushën e armëmbajtjes pa leje. Vihet në pranga një 65-vjeçar që mbante armë zjarri me silenciator në banesë.



65-vjeçari, me precedent të mëparshëm penal për veprën penale “Përndjekja”. Sekuestrohen në cilësinë e provës materiale, një armë zjarri me silenciator dhe municion luftarak.


Shërbimet e Komisariatit të Policisë Kavajë, në vijim të punës për kapjen e personave që qarkullojnë me armë zjarri apo i mbajnë ato në banesë dhe goditjeve të njëpasnjëshme të realizuara kundër armëmbajtjes pa leje, kanë marrë informacione në rrugë operative se një shtetas në lagjen nr. 3, në Kavajë, mbante armë zjarri në banesë.

Bazuar në këto informacione u organizua dhe finalizua një tjetër operacion dhe falë ndërhyrjes së shpejtë e profesionale u bë e mundur që gjatë kontrollit të banesës së personit të dyshuar, të gjendej arma e zjarrit me silenciator dhe një sasi municioni luftarak, si dhe të kapej e arrestohej në flagrancë poseduesi i armës, shtetasi shtetasi O. I., 65 vjeç, banues në Kavajë, i dënuar më parë në Itali për veprën penale “Përndjekja”.

Materialet i referohen Prokurorisë së Rrethit Gjyqësor Kavajë, për hetime të mëtejshme, për veprën penale “Armëmbajtja pa leje”, për të cilën parashikohet dënimi me burgim deri në 7 vjet.

1


Etiketa: , ,

CLOSE
CLOSE
Pas