Mediat greke kanë komentuar performancën dhe eliminimin e përfaqësueses së Shqipërisë.
Gjysmëfinalja e Festivalit të 66-të të Eurovizionit u zhvillua mbrëmjen e së martës në Torino të Italisë. E para, në skenë doli Ronela Hajati, përfaqësuesja e Shqipërisë e cila konsiderohej si një nga favoritet e Eurovizionit. Këngëtarja Ronela Hajati hapi pistën e garës për gjysmëfinalen e parë të Eurovizionit
Në përshkrimin e tyre, “Evropa bëj pak zhurmë” ishin fjalët e para që dolën nga goja e përfaqësueses shqiptare në Eurovizionin e sivjetshëm dhe Ronela Hajati ia doli me të vërtetë të bënte zhurmë.
Kënga e saj ishte shumë emocionuese dhe e kishte tekste në shqip, anglisht dhe spanjisht. Ronela Hajati në fund të performancës së saj ka formuar me duar shqiponjën, simbolin kombëtar të Shqipërisë.
Edhe pse kënga e Ronela Hajatit ishte ajo që kishin veçuar nga fansat e Eurovizionit, këngëtarja 32-vjeçare nuk arriti të marrë dritën jeshile për fazën finale të Eurovizionit.
Sipas asaj q֝ë shkruajnë mediat greke, dy arsye ia hoqën “biletën” Ronela Hajatit për në fazën tjetër të Eurovizionit
Me zë të lartë, koreografi mbresëlënëse dhe zë të bukur, Ronela Hajati kishte të gjitha mundësitë që të kualifikohej për të kaluar në fazën tjetër të Eurovizionit. Ndoshta kjo është arsyeja pse ajo konsiderohej një nga favoritët e kompeticionit. Por ajo që pritej nuk ndodhi ngaqë Ronela Hajati nuk mori biletën e lakmuar për fazën tjetër të kompeticionit.
Dy, sipas mediave helene, duket se janë arsyet që Ronela Hajati nuk ka arritur të marrë “dritën” jeshile dhe pikët e kërkuara për të kaluar në fazën tjetër të Eurovizionit. Kush janë ata;
Arsyeja e parë është se i është rekomanduar që pas provës së parë të ndryshojë koreografinë, por Ronela Hajati e ka mbajtur të njëjtën koreografi.
Dhe arsyeja e dytë është se në fund të prezantimit të këngës së saj në gjysmëfinalen e parë, ajo u shfaq duke formuar me duar shqiponjën, e cila për shumëkush konsiderohet simbol nacionalist.
Mediat greke thonë se Ronela Hajati me zgjedhjet e saj stilistike, koreografinë provokuese dhe shqiponjën që formoi me duar në fund të këngës mori shumë komente negative.
Sipas “Newsbeast.gr” Ronela Hajati mund të mos ketë arritur të marrë kualifikimin e lakmuar për në finalen e madhe të Eurovizionit që do të mbahet të shtunën, më 14 maj duke i zhgënjyer ata që kanë dashur që ajo të fitojë, ndërsa ajo vetë nuk duket edhe aq e pakënaqur.
Pas shpalljes së rezultateve, Ronela Hajati ka dërguar mesazhin e saj për fansat e saj përmes llogarisë personale në Instagram.
“Edhe nëse do të shkoja në finale do të isha i fundit, e di këtë. Por dashuria që mora ishte e madhe. Kam fituar Eurovizionin sepse kam fituar audiencën. Dhe publiku ka gjithmonë të drejtë. Të dua”, ka qenë mbishkrimi me të cilin Ronela Hajati ka shoqëruar foton e saj së bashku me anëtarët e delegacionit shqiptar.
Ronela Hajati është një këngëtare, kantautore dhe kërcimtare shqiptare. Fansat e saj e thërrasin vetëm me emrin e saj. Ronela Hajati ka lindur dhe është rritur në Tiranë dhe që në moshë të vogël ka filluar të marrë pjesë në gara artistike, ndërsa me kalimin e viteve u aktivizua edhe më shumë në muzikë.
Në vitin 2021, Ronela Hajati fitoi edicionin e 60-të të Festivalit të Këngës, që është gara për përzgjedhjen që do të përfaqësojë Shqipërinë në Eurovizion dhe u nominua si përfaqësuesja e këtij kompeticioni.
Ronela Hajati këndoi “Sekret” në Festivalin e 66-të të Eurovizionit, një këngë që fillimisht u publikua si single më 5 mars 2022, u kompozua dhe shkrua nga ajo vetë, – ka qenë përshkrimi i mediave greke herë duke e lavdëruar, herë duke e kritikuar dhe ndonjëherë duke u tallur me këngëtaren shqiptare.
Përkundrejt lavdeve, kujtojmë se Greqia me përfaqësuesin e saj shkoi në finale. Sakaq, Ukraina shihet si favorite për të fituar Eurovizionin. /Liberale.al/
