Portalet dhe rrjetet sociale kanë reaguar ndjeshëm pasi mbrëmjen e shkuar Alesia Bami nuk ka qenë më pjesë e emisionit investigativ “STOP”, pas qëndrimit të saj për më shumë se një vit në pozicionin në fjalë.
Në emision ‘STOP’, si velinë u shfaq Gloria Gashi e cila ka zëvëndësuar Alesian, dhe kjo gjë bëri të ngrihen dyshime për largimin përfundimtar ose jo, të Bamit nga emisioni investigativ.
Por ç’ka ndodhur në fakt?
Largimi i balerinës erdhi vetëm një ditë pas një interviste të saj në emsionin “Ftesë në 5” në “Top Channel” dhe duket se ka qenë pikërisht kjo arsyeja përse velina është detyruar të largohet nga televizioni “Klan”.
Dyshohet se Bami ka thyer një nga rregullat më të rëndësishme në “Klan”, që është ai i marrjes së një lejeje të posaçme përpara shfaqjes në një tjetër televizion.
Modelja mesa duket e ka neglizhuar një gjë të tillë duke sjellë si pasojë largimin e saj nga emisioni “Stop”.
Dhe siç mund të merret me mend, largimi nuk ka qenë paqësor, duke qenë se mëngjesin e sotëm, Bami nuk e ka kursyer një koment ‘sulmues’, ndoshta ndaj televizionit, në një postim në Instagram duke e quajtur atë tërthorazi “një kasolle”. /Gazeta Mapo/
