Aktualitet

Mediat i bëjnë thirrje qeverisë të tërheqë dy ligjet ‘anti-shpifje’





               Publikuar në : 19:31 - 13/12/19 |
mapo.al

Paketa ‘antishpifje’ që qeveria kërkon të implementojë është debati i javës. Gazetarët shqiptarë, mediat shqiptare, organizatat e medias dhe ato të shoqërisë civile i bëjnë thirrje qeverisë të tërheqë menjëherë dhe pa negociata dy projektligjet e prezantuara si “Paketa Antishpifje”; i bëjnë thirrje Qeverisë që të tërheqë urgjentisht këto projektligje.


Organizatat vërejnë se dy projektligjet, ai për transformimin e AMA-s në një agjenci censure, dhe të AKEP-it në një agjenci përmbarimore për vendimet censuruese të AMA-s, përbëjnë një akt të paprecedent në botën demokratike.



Çështjet e etikës, të tilla si e drejta e përgjigjes ndaj një akuze, apo e drejta e dhënies së fjalës para publikimit të një akuze, në çdo vend demokratik trajtohen nga kodet e etikës dhe organet vetërregulluese të medias.


Çështje të luftës hibride, dizinformimit, financimit me para të pista të medias apo partive politike nga politika apo krimi i organizuar janë të tilla që duhet të hetohen nga organet ligjzbatuese në përputhje me ligjet dhe garancitë që ofrohen nga ligjet ekzistuese, të tilla si kodi penal apo kodi i procedurës penale.

Shqipëria ka ligje që rregullojnë çështjet kur media shkel të drejtat e të tjerëve dhe çdo ndërhyrje tjetër, përfshirë krijimin e një organi administrativ është krejtësisht i panevojshëm në një shoqëri demokratike.

Çështjet e shpifjes dhe fyerjes në Republikën e Shqipërisë dhe në çdo vend ku sundon shteti i së drejtës duhet të shqyrtohen vetëm dhe vetëm në gjykata si pushtet i pavarur. Tentativa për të zëvendësuar gjykatat me organe drejtpërsëdrejti në varësi të pushtetit politik përbën bazë për shkelje të rënda të të drejtave themelore të njeriut dhe mund të transformohet në një gur themeli për një regjim diktatorial.

Mediat që e mbështesin:

ABC News
Citizens-Channel.al
Dosja.al
Exit.al
Faktoje.al
Fax News
Gazeta Dita
Gazeta Mapo
Hashtag.al
Ora NEWS
Politiko.al
ReporReporter.al
TPZ.al

Gazetarët që e mbështesin:

Alfred Lela
Adrian Thano
Alice Taylor
Andi Tela
Anesti Bajramaj
Armand Shkullaku
Bardhi Sejdarasi
Besar Likmeta
Blerina Gjoka
Entenela Ndrevataj
Enton Abilekaj
Ermeta Shevreja
Gjergj Erebara
Ilir Babarmo
Imelda Tili
Ylli Rakipi

Organizatat që e mbështesin:

Këshilli Shqiptar i Medias
Lidhja e Gazetarëve Profesionistë
Res-Publika
Unioni i Gazetarëve Shqiptarë


Etiketa: , , ,

CLOSE
CLOSE
Pas