Aktualitet

Merkel: Faza e parë e pandemisë është mbrapa nesh





Bëni LIKE faqen zyrtare në Facebook
               Publikuar në : 16:37 - 06/05/20 |
mapo.al

Kancelarja gjermane, Angela Merkel ka thënë se ka folur me liderët e 16 landeve gjermane, teksa ka bërë të ditur lehtësimin e disa masave të izolimit, pas shpërthimit të koronavirusit.


Faza e parë e pandemisë është mbrapa nesh”, ka thënë ajo, ndonëse ka përmendur se “kjo është faza e hershme e pandemisë, e cila do të jetë aty gjatë”.


Distancimi fizik do të mbetet në fuqi në Gjermani deri më 5 qershor, ndonëse masat tjera do të lehtësohen gradualisht. Pjesëtarë të të dy familjeve tani do të lejohen që të takohen në publik, ka thënë ajo.


Merkel ka thënë edhe se të dhënat e fundit nga Instituti gjerman Robert Koch, që raporton rreth të rejave të fundit për koronavirus, janë “lajme shumë të mira”.


“Shifrat tani janë të ulëta, kjo është diçka për të cilën jam e kënaqur”, ka thënë ajo.

Megjithatë, kufizimi sërish i masave do të fillojë të zbatohet nëse numri i të infektuarve rritet sërish.

Gjermania deri më tani ka regjistruar më shumë se 167,000 të infektuar me koronavirus dhe më pak se 7,000 persona të vdekur.


Etiketa: ,

Pas