Merret vendimi, Saimir Tahiri do ta kryejë dënimin në burgun e Fierit
Drejtoria e Përgjithshme e Burgjeve ka vendosur ditën e sotme, që ish-Ministri i Brendshëm Saimir Tahiri, ta kryejë dënimin në IEVP Fier.
Sipas Klan TV, Tahiri do të qëndrojë vetëm në qeli. Burime nga “Burgjet” kanë thënë se Tahiri, gjatë intervistës së sigurisë nuk ka pasur asnjë lloj pretendimi apo kërkesë se ku duhet të qëndronte.
Tahiri u dënua me 3 vjet e 4 muaj burg me akuzën e shpërdorimit të detyrës. Pas dhënies së dënimit ai u transferua në burgun 313 në Tiranë.
Kujtojmë që, Gjykata e Apelit ende nuk e ka bërë publik vendimin për dënimin e ish-ministrat. Avokati i tij ka deklaruar se rekursi për dënimit do të bëhet pas zbardhjes së vendimit.
