30 vjeçari nga Lushnja kishte marrë një banesë me qira në lagjen ‘Sitki Çiço” në Tiranë së bashku me një person tjetër. Në momentin kur efektivi I Shqiponjave e ka ndaluar dhe i ka kërkuar lejen e daljes dhe kartën e identitetit, ai ka qenë i shoqëruar nga ky i fundit.
Bëhet fjalë për një person me inicialet A.K ,me të cilin jetonte 30-vjeçari nga Lushnja Orgest Bilbili nuk është ndaluar ende nga Policia. Gjatë kontrollit në banesën e Orges Bilbilit, Policia ka gjetur dhe një armë zjarri pistoletë.
A.K u largua në momentin që Orges Bilbili mbeti i plagosur.
Ndërkohë policia i ka gjetur në banesë Orges Bilibilit, edhe një dokument policie të falsifikuar. Dyshohet se këtë dokument 30-vjeçari e ka përdorur për të lëvizur mes Lushnjes dhe Tiranës.
Efektivi i Shqiponjave deklaroi se kishte dyshuar tek Orgesi pasi ai po lëvizte me kapuç. Ai I ka kërkuar të ndalojë pastaj i ka kërkuar dhe të tregonte çfarë mbante në çantë. Bilbili ka tentuar të largohet duke i drejtuar armën, në këtë moment polici ka qëlluar një herë në ajër dhe më pas drejt tij, duke e lënë të plagosur.
Mësohet se dëshmia e policit përputhet me pamjet e kamerave të sigurisë të shkollës dhe bizneseve perreth ku ka ndodhur ngjarja.
Lexo edhe:
I cilësuar ‘killer’, Orges Bilbili nuk pranon të flasë, po hetohet për disa vrasje
Flet e plagosura nga ngjarja e djeshme në Tiranë: Po blija bukën, kam marrë dy plumba
