Presidenti Ilir Meta, duke folur në një forum për të rinjtë nga Ballkani, on-line, u shpreh se pati një përpjekje dhe një vullnet të madh në fillim për reformën në drejtësi. Kreu i shtetit, kujtoi miratimin e ndryshimeve Kushtetuese që i hapën rrugë reformës, me konsensus të plotë, me 140 deputetë.
Mirëpo, Meta, u shpreh se pas kësaj, qeveria dhe kryeministri, kaluan në uzurpim të drejtësisë, dhe kjo nisi me emerimin e Prokurorit të Përgjithshëm të Përkohshëm me 69 vota, në kundërshtim me Kushtetutën.
Duke kapur institucionet e reja të drejtësisë, Meta tha se ju hap rruga një korrupsioni galopant.
Mungesa e një prokurorie të pavarur, dhe mungesa e gjykatave të larta, ka bërë sipas tij, që 1 km rrugë tek ne të bëhet me 5 fishin e cmimit normal.
Urzurpimi i drejtësisë, solli skemat e pastra abuzime, si koncensionet qindra milionë euroshe.
Kreu i shtetit tha se këto janë një nga arsyet pse në krahasim me gjithë vendet e rajonit, nga Shqipëria ikin më shumë të rinj.
