Presidenti Ilir Meta publikoi ditën e sotme përgjigjet për 72 pyetjet e drejtuara nga Gjykata Kushtetuese, gjatë shqyrtimit të çështjes së ngritur nga mazhoranca, për shkarkimin e tij.
Mediat kanë zbardhur disa prej pyetjeve, ku një nder to kishte të bënte me pyetjen e gjytarit Altin Binaj, lidhur me gjuhën e përdorur në ndaj personave me funksione publike.
Pyetje: Kuvendi pretendon se në dalje publike ka patur fyerje ndaj personave me funksione publike. A pranohet ky fakt?
Përgjigje: Presidenti i Republikës është atakuar në të gjitha llojet e formave, dhe kjo fushatë fyerjesh dhe denigrimi është frymëzuar personalisht nga Kryetari i Partisë Socialiste dhe Kryeministri i vendit Edi Rama. Faktet shumë të rënda publike lidhur me këtë gjenden në qëndrimin e dorëzuar që prej datës 1 korrik 2021, duke filluar që nga vendosja e Posterave të mëdhenj publik vendosur në akset kombëtare të vendit, nga Kryeqyteti, deri në qytete të tjera, ashtu si dhe në aktivitetet politike elektorale të Kryeministrit, i cili me video, foto, fjalë, ka fyer haptazi dhe publikisht Presidentin
e Republikës. Këto fakte janë të njohura prej të gjithë shqiptarëve. Për këtë pyetje, kemi dhënë sqarime
shteruese, edhe në përgjigje të pyetjes me nr. 2, të relatorit. Është me rëndësi që edhe Gjykata të rishohë dhe tre video ku shfaqen thirrje fyese dhe sulmuese
të kryeministrit ndaj Presidentit në disa mitingje/aktivitete. Bashkëlidhur këtij materiali gjeni videot përkatëse në format CD. Për më tepër, lutemi t`i referoheni faqes 66, 70, dhe 97-103 të qëndrimeve të dorëzuara që prej datës 1 korrik 2021.
Disa prej mediave kanë shkruar se gjuha e fyerjeve të përdorura nga Presidenti, është frymëzuar nga kryeministri Rama. Kjo gjë e ka irrituar Presidentin, i cili shkruan se kjo është gënjeshtër dhe se janë duke i shërbyer fashizmit. Teksa shpërndan me foto disa prej lajmeve të bëra, Meta kërkon më shumë respekt për fjalën e lirë dhe të vërtetën.
Reagimi i plotë
Nuk jam shprehur, që për deklaratat e mia jam frymëzuar nga Kryeministri Rama.
Çdo pretendim tjetër:
Është gënjeshtër! Është fake news i përgatitur nga Zyra e Propagandës në shërbim të fashizmit!
E vërteta është se në përgjigje të pyetjes numër 6 të anëtarit të Gjykatës Kushtetuese, z.Altin Binaj jam përgjigjur se:
“Presidenti i Republikës është atakuar në të gjitha llojet e formave, dhe kjo fushatë fyerjesh dhe denigrimi është frymëzuar personalisht nga Kryetari i Partisë Socialiste dhe Kryeministri i vendit Edi Rama”.
Boll me gënjeshtra!
Boll me propagandë të përsëritur!
Mos i shërbeni fashizmit!
Më shumë respekt për fjalën e lirë!
Mëshumë respekt për të vërtetën!
Më shumë respekt për lexuesit tuaj!
I ftoj të gjithë shqiptarët e interesuar për përgjigjet e 72 pyetjeve të Gjykatës Kushtetuese, të lexojnë vetëm faqen zyrtare:
